Кинески научници тврдат дека успеале да создадат прототип на мотор кој нема потреба од гориво. Станува збор за концепт мотор со име Ем Погон, кој е спротивен на познатите закони на физиката, но ако тоа е вистина, оваа направа може да ги однесе луѓето на Марс за само десет недели.
Во видеото се тврди дека кинеските научници успешно развиле ЕмПогон, и дека наскоро ќе го испратат во вселената, иако не се наведуваат никакви технички спецификации за уредот.
ЕмПогон е мотор на кој не му е потребно гориво. Наместо тоа, користи микробранови кои ги собира од сончева енергија, кои се судираат во посебен контејнер.
Без гориво кое ќе се исфрла наназад додека се движи напред, ЕмПогон го поништи третиот Њутнов закон, кој вели дека за секоја акција мора да постои еднаква и спротивна реакција.
Дали сето ова е вистина или само желба и идеја на кинеските научници ќе покаже времето.
