Карло Анчелоти пред отказ

Facebook
Twitter
Email
Print

Кариерата на Карло Анчелоти како тренер на Баерн Минхен е доведена во знак прашање, откако Баерн беше декласиран на гостувањето во Париз кај ПСЖ со 3:0.

 

Баерн изгледаше како бледа сенка на тимот кој што доминираше во германскиот фудбал и постојано се бореше за титулата во лигата на шампиони. Контроверзното оставање на клупа на Робен, Рибери и Хумелс воопшто не му помогна на тимот на Анчелоти на вчерашниот натпревар.

 

„Ова беше горчлив пораз. Пораз за кој што мора да зборуваме, да го анализираме и за кој што мора да има последици. Мислам дека тоа што го видовме вечерва не беше Баерн Минхен. Многу е важно да свртиме нова страница и да се претставиме како Баерн Минхен што поскоро. И тогаш да покажеме дека сме тим кој остави белег во Европа и на национално ниво претходните години и да се вратиме на старите патеки“, изјави Карл Хајнц Румениге по поразот од ПСЖ.

 

Со овој резултат Баерн се 3 бодови зад лидерот ПСЖ, со ист број на бодови со Селтик. Слична е и состојбата во Бундеслигата, каде што во шест натпревари Баерн има два порази и моментално се наоѓа на третата позиција, што уште повеќе го зголемува притисокот врз Анчелоти.

 

Италијанецот полека почнува да ја губи и поддршката од своите играчи. Кога Робен беше запрашан после поразот од ПСЖ дали го поддржува својот тренер, тој одби да даде одговор.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи