ДИК: СДСМ води во Скопје и 50 општини, ВМРО-ДПМНЕ во 9 , ДУИ во 12 општини

Од досега обработените 98,22 проценти или од 3.418 од вкупно 3.480 избирачки места кандидатите за градоначалници од СДСМ водат во 50 општини, на ВМРО-ДПМНЕ во девет, на ДУИ во 12, а кандидатите на девет други партии, коалиции и од група избирачи водат во останатите општини.

 

За Град Скопје, кандидатот на СДСМ Петре Шилегов води со 50,07 проценти во однос на кандидатот на ВМРО-ДПМНЕ, Коце Трајановски со 35,99 проценти и најверојатно ќе биде избран за градоначалник уште во првиот круг.

 

Мирен изборен ден со нерегуларности, е првичната оценка на претседателот на Државната изборна комисија, Чичаковски.

 

„Дадовме генерална оценка на изборите дека истите поминаа во фер и демократска атмосфера, согласно процедурите утврдени со Изборниот законик. Во текот на денот, Избирачките одбори, Општинските изборни комисии се соочуваа со некои технички проблеми, меѓутоа ДИК преку соодветни упатства и инструкции ги надмина и сметам дека генерално имавме успешен изборен ден“, изјави Чичаковски.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи