ВМРО-ДПМНЕ: Владата на СДС спроведе криминални избори

Владата на СДС спроведе криминални избори. Тоа им беше потребно за да СДС и Зоран Заев продолжат да ја раскрчмуваат државната каса, и да ја ограбуваат државата, велат од ВМРО-ДПМНЕ.

 

„Тие ги излажаа и изманипулираа граѓаните и го прекршија ветувањето кое што го даде во предизборието дека нема да ја задолжува државата. Владата на СДС се задолжи за над половина милијарда евра, односно неверојатни 540 милиони евра. За 5 месеци над половина милијарда евра. Ова е потврда дека владата на Зоран Заев е неспособна влада и не може да функционира без задолжување, потенцираат од партијата.

 

Од ВМРО-ДПМНЕ истакнаа дека неодговорната и неграѓанска влада на СДС наместо да ги покачува пензиите, да ги зголемува платите, да отвора нови работни места и да инвестира во инфраструктурата, таа ги крати, укинува и блокира сите проекти, а на сметка на недомаќинското работење ги задолжува граѓаните на Република Македонија.

 

„СДС не само што не ги покачи пензиите на пензионерите, туку секој пензионер го задолжи во просек од вртоглава сума за над 110.700 денари. Со ова СДС и Заев покажуваат дека не водат грижа дури ни за највозрасната категорија на граѓани. СДС безмислоно ја задолжува државата и идните генерации, без постоење на реален основ и без да каже на што и како се трошат парите. Државата оди во банкрот. Одговорноста за оваа кражба на државата ќе дојде и ќе има“ велат од ВМРО-ДПМНЕ.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи