Љубен Динев и Димитар Нејков e екипажот од Бугарија кој е победник на годинешното второ по ред „Мacedonian trophy“ во категоријата hard trophy, кое денеска се одржа во мото арената Лагово кај Прилеп.
„Мacedonian trophy“ е единствена манифестација од овој вид во Македонија и нејзин организатор е клубот „Офф роуд Прилеп“. Денеска беше вториот ден од настанот, а вчера натпреварот се одржуваше во околината на Прилеп, при што учесниците требаше да изминат 30 километри и да поминат на 7 критични точки на стазата.
На манифестацијата учестуваа стотина натпреварувачи од Бугарија, Србија, Грција и Македонија.
И денеска екипата на Инфо Компас направи екслузивно видео од овој несекојдневен спектакл кој се одвиваше на специјално направената стаза за вакви спортови кај Лагово.
