Ристески : Со работа дојдовме – со работа си одиме

Помина уште еден циклус на локални избори на кои граѓаните го остварија своето граѓанско право и гласаа на истите,  како  што  тоа го правеа во минатото. Човек кога стапува на некоја функција со поддршка од граѓаните треба да ја оправда нивата доверба и се надевам дека не ја изневерив во овие дванаесет години и заедно со Вас работев чесно и пожртвувано за општина Прилеп. Мои драги прилепчани после овие локални избори дојде моментот да се разделам од вас со крената глава и да ја испочитувам Bашата искажана воља. Истакна на денешната прес конференција поранешниот градоначалник на Општина Прилеп, Марјан Ристески.

 

Прес конференцијата ја пренесуваме во целост.

 

 

„Дванаесет и пол години бевме заедно партнери и во арно и во лошо, бевме заедно  во интерес на развојот на градот и населените места од нашата општина и мислам дека во голем дел успеавме во тоа.

 

Мојот мотив за работа беа вашите идеи и потреби. Но има уште многу да се работи. Тука мојата градоначалничка мисија завршува, но продолжува мојата мисија понатаму како лојален прилепчанец  и Македонец.

 

Стандардите за работа на еден градоначалник во овие изминати години се кренаа на едно високо ниво и се надевам дека тоа ќе продолжи  во нагорна линија во интерес на развојот на градот и општината .

 

Во  оваа прилика сакам да истакнам голема благодарност на сите мои соработници и тимот со кој што неуморно работевме овие 12 години со многу успешно реализирани проекти.

 

Со работа дојдовме – со работа си одиме

 

Во тек на реализација оставаме многу капитални проекти значајни за иден развој на градот : Во завршна фаза е прочистителната станица со канализационите системи, се работи градскиот стадион Гоце Делчев,новите погони во Гентерм,Акомпласт и новата фабрика БИК кои треба да отворат 2000 нови работни места,новите инвестиции во индустриската зона Прилеп 1 , отпочнување со реализација на проектот Крижен тек Табана со булеварска улица,градинка во основното училиште Рампо Левката, Основното училиште во населба Сточен пазар, капелата во старите градски гробишта и многу други.

 

Да се заблагодарам на луѓето од Локалната Самоуправа , Јавните претпријатија ,да се заблагодарам на Бизнис Секторот ,Невладини организации,спортисти ,пензионери ,земјоделци,новинари,образовни работници ,другари,пријатели мои подржувачи …

 

Да се заблагодарам и на мојата партија ВМРО-ДПМНЕ и коалиционите партнери кои што дадоа максимум на овие локални избори ,и да ја истакнам  нивната пожртвуваност и напорна работа, работевме како едно семејство.

 

Да се заблагодарам и на сите оние кои излегоа на гласање, а гласаа за другата опција со надеж за подобар Прилеп.

 

Му го честитан четири годишниот мандат на г-динот Јованоски и му посакувам пред се здравје,успех и реализација на сите ветени проекти на граѓаните.Се надевам како што е успешен доктор дека ке биде  и успешен градоначалник.

 

На крајот да му честитам на новиот состав на Советот на Општина Прилеп кои се надевам дека ќе ги застапуваат интересите на сите , ќе бидат претставници на сите граѓани .

 

Да живее ПРИЛЕП И РЕПУБЛИКА МАКЕДОНИЈА ! “

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи