Во Прилеп одбележан православниот празник Св. Петка – Петковден

Со Божествена литургија, со која чиноначалствуваше Митрополитот Преспанско – Пелагониски Г. Петар, во црквата Св. Петка денеска во Прилеп беше одбележан големиот православен празник Преподобна Параскева или кај народот познат како Петковден. На литургијата присуствуваше и градоначалникот на Прилеп, Илија Јованоски, која на сите православни верници им го честиташе празникот и им посака, здарвје, успех и љубов.

 

„Денеска е големиот празник Петковден кој го слават нашите сограѓани и ова е првата од зимските слави. На сите верници им го честитам празникот, им посакувам пред се здравје, среќа, да имаат љубов во своите домови. Прилеп и прилепчани имаат традиција да ги чествуваат овие слави кои се одбележуваат со векови наназад, мислам дека и идните генерации ќе продолжат да го прават тоа и да ги чуваат семејните вредности кои се неминовни во нашето општествено живеење, затоа што семејните вредности се ненадминливи. Мојата домашна слава е Свети Никола, таа се совпаѓа со славата на нашиот град и оваа година ќе продолжиме да ја одбележуваме и уште сега ги поканувам сите верници и граѓани заедно да ја прославиме таа градска слава“, истакна Илија Јованоски, градоначалник на Прилеп.

 

Јованоски нагласи дека локалната самоуправа и понатаму ќе продолжи да ја поддржува изградбата на црквите и параклисите во Прилеп.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи