Спасовски: Полицијата сè уште трага по 12 лица за упадот во Собранието

Полицијата сè уште трага по 12 лица кои треба да бидат изведени пред кривичниот суд во рамки на истрагата на обвинителството за гонење организиран криминал и корупција за упадот во Собранието што се случи на 27 април.

 

Министерот за внатрешни работи, Оливер Спасовски, изјави дека полицијата има сознанија дека сите се во државава и нема потреба од меѓународна потерница.

 

„Имаме сознанија дали некои од 12-мината што сè уште не се обезбедени имаат двојни државјанства. Нема потреба за распишување на меѓународна потерница за оние лица кои се уште не се достапни за органите на прогонот, а се бараат за насилствата на 27 април во Собранието, затоа што имаме информации дека се во дражавата“, рече Спасовски и додаде дека не може да открие повеќе детали.

 

Спасовски рече дека за квалификациите на кривичното дело за кое се товарат обвинетите е надлежно обвинителството, а не МВР.

 

Од осомничените 36 лица, Кривичниот суд на 13 лица им определи затворски, а на шестмина куќен притвор.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien