Процентот на муслиманско население во Европа може тројно да се зголеми до 2050

Facebook
Twitter
Email
Print

Процентот на муслиманско население во Германија би можело да се удвои до 2050 година, додека во цела Европа може тројно да се зголеми, покажува истражување на американскиот институт Пју (Pew), објавено во Берлин. Американскиот институт вклучил во анализата 28 држави од Европската унија, Норвешка и Швајцарија.

 

„Во Германија, ако се земе предвид редовната миграцијата без бегалски бранови, до 2050 година процентот на муслиманското население може да надмине 11 проценти, што е речиси двојно повеќе од денес“, се заклучува во студијата објавена од американскиот институт.

 

Дури и без редовна миграција, процентот би можел да се зголеми од сегашните 5,5 отсто на 9 проценти, проценува Институтот. Причината за ова е фактот што граѓаните од муслиманска вероисповед во просек се помлади од остатокот од населението, како и поради тоа што жените муслиманки во просек имаат повеќе деца (1,9) од остатокот од женската популација (1,4 деца по жена).

 

Според истражувањето, во кое се анализирани податоците од земјите членки на Европската Унија, Норвешка и Швајцарија, земја со најголем процент на муслиманско население во ЕУ е Франција (8,8 отсто), по што следуваат Шведска (8,1 отсто) и Велика Британија (6,3 отсто).

 

Истражувањето исто така покажува дека повеќето Германци на доаѓањето на голем број бегалци од Сирија и Ирак не гледаат како на сериозна закана, за разлика од испитаниците во Полска, Унгарија, Италија и Грција.

 

Во Полска, каде што отпорот на јавноста кон мигрантите од муслиманска вероисповед е многу изразен, живеат 0,1 отсто од муслиманите.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи