Димовски и Милошоски не одат на Конгресот во Валандово

Facebook
Twitter
Email
Print

Високите функционери на ВМРО-ДПМНЕ, Антонио Милошоски и Илија Димовски, нема да одат на Конгресот во Валандово, на кој треба да се избере нов партиски лидер.

 

Според Милошоски и Димовски, овој конгрес не е по демократските стандарди и принципи на партијата.

 

„Моја принципиелна лична одлука е да не учествувам на конгресот за кој сметам дека има демократски дефицит и нелојална конкуренција за најважната одлука од која зависи перспективата на ВМРО-ДПМНЕ како конзервативна партија. На сите делегати им пожелувам успешен настан и продуктивни одлуки“, вели Милошоски.

 

Милошоски не се појави ниту на синоќешната седница на Централниот комитет откако претходно Извршниот комитет го отфрли предлогот за одложување на конгресот.

 

Покрај Антонио Милошоски, и Илија Димовски е еден од 50-ината партиски функционери кои јавно побараа одложување на конгресот за февруари и формирање колективно претседателство, како и зголемување на бројот на делегатите поради нелегитимен и недемократски процес за избор на кандидат за партиски лидер, со користење на партиските ресурси и фаворизирање само еден кандидат.

 

Единствен кандидат за претседател на ВМРО-ДПМНЕ е генералниот секретар на партијата Христијан Мицкоски. Тој вчера изјави дека очекува успешен конгрес, ги отфрли обвинувањата за притисок и закани врз делегатите од негова страна и порача дека не стравува од фракции во партија.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи