Чавушоглу: Турција е против странско мешање во Иран

Facebook
Twitter
Email
Print

Турскиот министер за надворешни работи Мевљут Чавушоглу ги критикуваше израелскиот премиер Бенјамин Нетанјаху и американскиот претседател Доналд Трамп поради нивната поддршка на протестите во Иран. Чавушоглу на средба со новинарите во Анкара рече дека Турција е против странско мешање во внатрешните работи во Иран.

 

Тој истакна дека се сретнал со иранскиот колега Мохамед Џавад Зариф со кого разговарал за политичката состојба во Иран, за одлуката на Трамп да го признае Ерусалим за главен град на Израел и за курдското прашање.

 

„Ако дојде до промени во Иран, тоа треба да биде преку избори“, изјави Чавушоглу.

 

Според Чавушоглу, Зариф за состојбата во Иран рекол дека не е толку драматична како што се претставува во медиумите и е слична на протестите во Турција околу истанбулскиот парк Гези, каде еколошки протести прераснаа во антивладини протести.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи