Втора катастрофа по ред на Кливленд: Торонто им нанесе сериозен пораз од 34 поени разлика

Facebook
Twitter
Email
Print

Вицепрвакот во НБА шампионатот Кливленд Кавалирс претрпе нов убедлив пораз, откако ноќеска на гостувањето во Торнонто загуби со 133-99.

 

Уште на полувремето домашниот тим создаде голема предност од 25 поени, која во вториот дел постепено и ја зголемуваше, за на крајот Репторси да слават со убедливи 34 поени разлика. Интересно е тоа што Репторс до ваква импресивна победа дојдоа без двајца многу важни играчи Кајл Лаури и Серж Ибака.

 

Дури седуммина играчи на Торонто средбата ја завршија со двоцифрен број на постигнати поени. Најмногу постигна Фред Ван Влет 22 што е негов рекорд во кариерата, додека забележителен настап имаше и Литванецот, Јонас Валанчиунас со дабл-дабл учинок од 15 поени и 18 скокови, најмногу сезонава.

 

Кај Кливленд најефикасен беше Леброн Џејмс со 26 поени, а сите останати кошаркари на Кавс потфрлија. За Кливленд ова беше шести пораз на последните осум натпревари, со што Кавси паднаа на третата позиција на табелата во Источната конференција, зад Бостон и синоќешниот противник Торонто.

 

 

Во другите две средби одиграни ноќеска победи остварија двете екипи од Лос Анџелес. Клиперси во ефикасен меч го совладаа Сакраменто на гостински терен со 121-115, додека Лејкерси пред своите симпатизери славеа победа над Сан Антонио со 93-81.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи