Од кого се кријат и од што се плашат ВМРО-ДПМНЕ и СДСМ од Прилеп ?

Продолжува веќе со години воспоставената практика за поделба на медиумите на ваши и наши, твои и мои, вакви и такви, на сите партиските прес конференции кои ги држат ВМРО-ДПМНЕ и СДСМ во Прилеп.

 

Откако е формиран порталот Инфо Компас досега не е поканет на ниту една прес конференција, од ниту една од овие две политички партии. А за да биде нештото потрагикомично редовно на нашите мејлови стигнуваат прес конференциите во текстуална или видео форма, но откако тие ќе бидат одржани.

 

Тоа укажува на неколку работи. Прво и двете партии и тоа како се запознати со нашиот медиум и нашите телефонски броеви и добро знаат кои сме ние. Намерно не сакаат да не поканат. Второ, сакаат да бидат објавени и видени во јавноста, но по можност сами да си се сниимаат и да ни пратат материјали. Севернокорејски принцип. И трето не сакаат да поканат новинари на прес конференциите затоа што се плашат од прашања.

 

Па еве едно отворено прашање до двете партии од што се плашите, од народот ? Што толку криете па не сакате да поканете новинари ?

 

ВМРО-ДПМНЕ е партија во опозиција, рејтинг таков каков што има – ич, обезглавена, со цело поранешно раководство кое секој втор ден е на суд. И сега наместо да се бори за што е можно поголема медиумска застапеност, да си го поврати имиџот и рејтингот и да кокетира со сите можни медиуми, таа уште живее во филмот дека „Никој ништо не ни може“ и дека ќе си правиме што сакаме и ќе си го викаме на прес кого сакаме. Браво, само така и да си продолжите, ќе видиме до каде ќе стигнете.

 

СДСМ пак која до вчера наводно се бореше за слобода на новинарството сега и таа започна да ги дели медиумите и да си вика на прес конференции кого сака. Од О.О. на СДСМ Прилеп исто така добро знаат кој работи во порталот Инфо Компас. Е па господа од власта ако нема што да криете зошто се плашите од новинарите, поканете не на вашите прес конференции. Или пак учите од вашите претходници. Ама гледајте и да не завршите како нив.

 

И да не должиме повеќе, порталот Инфо Компас како професионален медиум и поради објективно информирање на јавноста и понатаму ќе продолжи да ги објавува самоснимените прес конференции на ВМРО-ДПМНЕ и СДСМ.

 

Поздрав, со надеж дека ќе се видиме на некоја наредна прес конференција !

 

 

Редакција на Инфо Компас.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи