Една од најголемите агенции на Пентагон не може да ја оправда потрошувачката на 800 милиони долари, се наведува во интерниот извештај на водечката ревизорска компанија, до кој дошол американскиот портал „Политико“.
Ревизорската фирма „ Ернст енд Јанг“ открила дека Агенцијата за логистика на америкaнскоото Министерство за одбрана не успеала да документира повеќе од 800 милиони долари вложени во граѓански проекти.
„Политико“ наведува дека извештајот доаѓа во време кога американскиот претседател Доналд Трамп предлага зголемување на воениот буџет. Таа ревизија, како што оценува весникот, отвора нови прашања за тоа дали МО може одговорно да располага со годишниот буџет од 700, а камоли со дополнителните милијарди кои Трамп планира овој месец да ги предложи.
Како што наведува „Политико“, ревизијата на трошоците на Министерството никогаш не била направена, иако Конгресот има мандат за тоа, а за „неуредната состојба“ за некои членови во книгите на Агенцијата на Министертвото се чини никогаш и нема да може да се направи точна ревизија.
„Ако не можете да ги следите парите, никогаш нема да може да направите ревизија“, вели републиканскиот сенатор Чак Гејсли од Ајова кој е висок член на Комисијата за буџет и финансии.
