Германија воведува бесплатен јавен превоз за намалување на загадувањето

Германската влада размислува за воведување бесплатен јавен превоз во градовите за да се подобри квалитетот на воздухот.

 

Потегот доаѓа две години по големиот скандал со лажните тестови за издувни гасови на Фолксваген, кои поттикнаа револт и бес кон автомобилската индустрија, еден од темелите на германскиот просперитет.

 

„Размислуваме за тоа јавниот превоз да биде бесплатен за да се намали бројот на личните возила во сообраќајот“, се вели во писмото што го испратила министерката за животна средина Барбара Хендрикс, министерот за транспорт Кристијан Шмит и министерот за финансии Питер Алтмаиер до еврокомесарот за животна средина Кармену Вели.

 

Оваа мерка би требало да биде пробно воведена во пет града: Бон, Есен, Херенберг, Рејтинген и Манхајм, а би требало да стапи во сила најдоцна до крајот на годинава.
Дополнително на бесплатниот превоз, меѓу предложените чекори се и дополнителни намалувања на емисиите од автобусите и такси-превозот, зони на ниска емисија, како и поддршка за програми за споделување автомобили.
Во пакетот мерки, во кој освен бесплатен јавен превоз се наведуваат уште неколку идеи, Берлин се надева дека ќе ја убеди Европската комисија да не го пријават во Европскиот суд на правдата поради прекумерно загадување на градовите.

Преземање акција по ова еколошко прашање е потребно многу скоро, бидејќи Германија заедно со осум други земји членки на Европската Унија, меѓу кои и Шпанија, Франција и Италија, го преминаа рокот од 30-ти јануари до кој мораа да ги запазат лимитите на Унијата за азот-диоксид и суспендирани честички (ПМ).

Еврокомесарката Вела им дозволила дополнително време на државите да презентираат дополнителни мерки за намалување на загадувањето, или да се соочат со правни последици.

 

Загадување, кое е опасно по животот, опфаќа повеќе од 130 градови во Европа според информации на Комисијата, предизвикувајќи околу 400 илјади смртни случаи и ја чинат Унијата околу 20 милијарди евра годишно во здравствени трошоци.

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien