ЕУ може да заштеди милијарди долари од обновливите енергетски извори

Facebook
Twitter
Email
Print

Евроспката унија може значително да ја зголеми употребата на обновливи извори на енергија, заштедувајќи милијарди долари, се наведува во истражувањето на Меѓународната агенција за обновлива енергија.

 

ЕУ може рентабилно да го зголеми за 34 проценти делот на зелените енергетски извори во енергетиката до 2030 година, наместо 27 проценти предвидени во моментов во плановите, покажува истражувањето на Агенцијата.

 

„Ако ЕУ ги искористи сите опции на обновлива енергија, таа би постигнала намалување на расходите од 25 милијарди долари годишно до 2030 година, во споредба со трошоците при користење на конвенционалните извори“, покажува истражувањето.

 

Покрај тоа, зголемувањето на уделот на обновливите извори ќе доведе до намалување на трошоците за здравствена заштита поради подобар квалитет на воздухот.

 

Земјите-членки на ЕУ во декември минатата година ја потврдија својата цел за 27 отсто дел од зелената енергија, додека Европскиот парламент би сакал Унијата да се придржува до 35 отсто.

 

Еврокомесар за енергетика и климатски промени Мигел Аријас Канте, вчера изјави дека ЕК работи на „избалансиран компромис”.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи