Манчевски: Врзуваа кабли како бесилки и ни се закануваа дека ние сме следни

Facebook
Twitter
Email
Print

Министерот за информатичко општество, Дамјан Манчевски, на денешното рочиште за обидот за убиство на пратеникот Зијадин Села на 27 април препозна тројца од напаѓачите на Села – Александар Јаневски, Никола Војминоски и Кире Ѓоргиевски.

 

„На 10 до 15 метри од мене видов на земја како лежи човек и го маваат со клоци и тупаници, а тој се помрднува од ударите. Тие ја прославија наводната смрт на господинот Села“, рече Манчевски.

 

Откако прославиле, се насочиле кон другите и рекле дека Заев е следен.

 

„Дел од нив врзуваа и кабли како за бесилка и се обидуваа да фатат некој од нас и да го извлечат од групата пратеници“, кажа Манчевски.

 

Манчевски истакна дека не се сеќава кој од обвинетите што му направил на Села, но, како што рече, добро се сеќава што му направиле нему.

 

„Веднаш се упатија кон нас, еден од нив кон мене се упати и ми удри бокс по лицето. Носот ми беше скршен. Некои маваа со раце, некои со сталаци, некои со компјутери. Кирил Ѓоргиевски, Никола Воиновски и Цео Ѓоргиевски лично ми се закануваа и ме удираа“, истакна Манчевски.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи