Вардар против Монпелје за пласман во финалето во Лигата на шампионите

Facebook
Twitter
Email
Print

Вардар ова попладне го доби Монпелје како противник во полуфиналето на завршниот турнир во Лигата на шампионите, предизвик кој и тоа како ќе биде голем за актуелниот европски првак со оглед на тоа што францускиот тим се покажа како многу незгоден ривал.

 

Монпелје направи големи изненадувања во досегашниот тек на натпрварувањето и ги шокираше Барселона и Флензбург, но сепак, сите се надеваме дека Вардар ќе ја оправда фаворитската улога и дека ќе се пласира во ново големо финале во Лигата на шампионите.

 

Во другото полуфинале, копјата ќе ги вркстат ПСЖ и Нант во едно француско дерби, а неколку часа по ждрепката, ЕХФ ги соопшти и официјалните термини во кои ќе бидат одиграни двата дуели.

 

ПСЖ и Нант ќе го отворат Ф4 спектаклот со дуелот кој ќе се игра на 26 мај во 15:15 часот, додека Вардар и Монпелје се втори на програмата, или поточно во терминот од 18:00 часот.

 

Финалето на деветтото издание на завршниот спектакл во „Ланксес арена“ во Келн е закажано на 27 мај и ќе се игра во терминот од 18:00 часот.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи