Во спортската сала на СОУ „Орде Чопела“ во Прилеп денеска се одржа семинар и лиценцирање на тренери и судии во состав на џудо федерацијата на Македонија, кој што се неопходни припреми за пред државните, балканските и европските првенства. Според претседателот на џудо федерациијата на Македонија Зеглул Реџепи овие лиценцирања се случуваат најмалку еднаш годишно, а може и два пати во зависност од потребите за обука на тренерите и судиите или во зависност од тоа како наложуваат новите правила од европската и светската џудо федерација.
„Семинарот се состои во два дела, првиот дел ќе биде теоретски дел кој го одржува универзитетскиот професор Жарко Костовски кој што е член на таа комисиија за обука и лиценцирање на тренери и во делот на судиите Б лиценциран Ај Џи Еф судија е Томе од Прилеп кој го одржува семинарот и лиценцирањето за судиите“, истакна Реџепи.
Инаку џудото како спорт било најпопуларен во Прилеп, потоа Скопје, но започнале и другите градови да се занимаваат со него како Велес, Куманово, Ресен, Битола, Струга. Во континуитет се зголемувала популарноста на џудото. Пред 2-3 години исто така се започнало со добро претставување на државата на меѓународна сцена, како што се европските купови, европските првенства и учеството на олимписките игри.
„Пред 2 недели во Прилеп бев избран за нов претседател на џудо федерацијата заедно со поддржувачите имаме стратегија и план за развој на џудото во соработка со околните земјим со кои граничиме. Планираме зголемена соработка со Балканската и Европската федерација. Одржување на меѓународни кампови, семинари и слично. Медиумите секако тука ќе играат главна улога во развојот и подигнувањето на авторитетот на џудото во Македонија. Имаме визија, имаме планови, чекаме само на време. Соработките ни се убави со сите институции како што се Агенцијата за млади и спорт, МОК, Балканската, Европската и Светкса федерација, само треба добра желба за работа ии одење напред. Верувам во екипата што е составена во однос на комисиите и работните тела на федерацијата“, изјави Зеглул Реџепи, претседател на џудо федерација на Македонија.
