Денес по повод меѓународниот ден пртив пушењето во Детската Амбасада за Сите Деца во Светот се одржа работилница со тема: Тутунот – Страст и Профит и Штетноста на цигарите и зависноста кај младите. На оваа работилница учествуваа активни членови од Детската Амбасада, а работилницата ја подготвија и водеа, децата координатори при основните училишта во Прилеп.
„Децата со внимание и активна вклученост ги изработуваа проекните задачи на хамер, а со презентацијата се запознаа со поимот, историјата, производството, профитот на тутунот, а најмногу се задржаа на неговата завист, страст и штетност. Целта беше постигната, денес децата се запознаа со последиците, најразните болести, колку штетно делува тутунот кај трудните жени и колку проценти годишно од населението умира како резултат на штетноста на цигарите. Се запознаа и како од љубопитност можат да станат зависни, дека младите пробуваат цигари во пубертетот, каде што се јавува зависноста и потоа страста, но не размислувајќи на последиците кои се резултат на тутунот“, информираат од Детската Амбасада за Сите Деца во Светот.
Детската Амбасада организира ваква работилница по втор пат, а ќе продолжи и во иднина, бидејќи само со здрава младина може да имаме и силна држава, децата се нашето благо кое треба да го негуваме и чуваме, децата се нашата иднина.
