Ужас во Велес – три деца изгореа во пожар

Facebook
Twitter
Email
Print

Трите малолетни деца на Никола Давчевски и Марина Антониевска од Велес изгореа во пожар, кога вчера попладнето се запали трошната куќа во која живееле.

 

Децата биле сами дома, родителите ги заклучиле во собата и излегле до продавница. Соседите велат дека ги виделе пламените јазици некаде пред 16 часот и веднаш ја алармирале противпожарната служба, но додека пожарникарите стигнале, децата веќе биле мртви.

 

Соседите раскажуваат дека тоа било социјално загрозено семејство, кое живеело од собирање и продавање пластични шишиња. Тука се населило пред околу две години, но ретко контактирале со луѓе. Покрај трите малолетни дечиња имаат уште еден 19 годишен посинок.

 

СВР Велес и јавен обвинител работат на расчистување на случајот. Ќе се врши подолго вештачење за да се утврдат причините за настанување на пожарот во кој животот го загубија трите малолетни деца.

 

„Мислам дека денеска не ќе можеме да кажеме кои се причините за пожарот бидејќи очекувам вештачењето да трае подолго. Инаку денеска по наредба на ОЈО ќе биде извршена обдукција на телата на децата и нивна идентификација, бидејќи истите по пожарот се најдени јагленосани“, појасни Гордана Тодорова, в.д. јавен обвинител од ОЈО Велес.

 

Родителите на починатите дечиња, денеска се на распит во велешката полиција.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи