Страшно невреме на Халкидики, автомобили завршија во морето

Поројните дождови и невремето од изминатите 24 часа создадоа сериозни проблеми и материјална штета во повеќе делови на Грција.

 

На Халкидики се поплавија повеќе места, улиците се претворија во реки, а нанесена е материјална штета на инфраструктурата, на домови и возила, за среќа без повредени или жртви.

 

 

Најпогоден беше вториот крак на Халкидики и областа Никити Ситониа. Поради невремето и поплавата, автомобили и канти за отпадоци завршија во морето.

 

 

Локалната управа на Никити, веројатно е дека ќе побара да се прогласи вонредна состојба.

 

Штети имаше и на првиот крак, во областа Касандра, во Касандрија, Сивири и Неа Фокеа, а силни врнежи од дожд беа забележани и во североисточниот дел на Халкидики.

 

Агенциите пренесуваат дека мошне сериозна е состојбата и во околината на Атина, каде што во ноември минатата година во поплавите, животот го загубија над 20 лица.

 

Охрабрува податокот што врнежите се престанати и се очекува постепено нормализирање на состојбите.

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien