Партиите не пријавиле над 6 милиони денари по изборите во 2016 година

Партиите не пријавиле над 6.600 милиони денари за последните предвремени парламентарни избори во 2016 година. Најголемиот износ, односно 75.32 % што партиите ги потрошиле за време на кампањата биле за реклами и односи со јавноста, утврди Државниот завод за ревизија.

 

Како што рече денеска на прес-конференција Мијалче Дургутов, ревизор задолжен за информирање во Државниот завод за ревизија, вкупните приходи на партиите во кампањата биле 228.912.000 денари, а вкупните расходи 235.588.000 денари.

 

Согласно извештајот на ДЗР за 2017 година што го презентира Дургутов, ревидирани се 258.840.000.000 денари јавни приходи и 106.671.000.000 јавни расходи. Во делот на јавните набавки се констатирани 63 наоди кои се однесуваат на нерегуларности.

 

Дургутов за детали околу извештајот упати на интернет страницата на ДЗР каде тој ќе биде објавен, првпат, како што нагласи, на три јаизици – македонски, албански и англиски.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien