Ексклузивно интервју и ФОТО ГАЛЕРИЈА : Прилеп се гордее – двајцата херои на највисокиот врв во Европа

На 01.07.2018 година двочлената прилепска екипа од планинарскиот клуб „Мамути“ Маријанa Ѓорѓиевска и Владимир Јованоски во 01.00 часот по полноќ, по руско време, заедно со 23 члената екипа на планинарскиот клуб „Предејане“, по 4 дневна аклиматизација на планината Кавказ и еден ден претходно на врвот Пикет 11, тргнаа на завршниот успон со цел искачување на највисокиот врв во Европа-Елбрус. Двајцата прилепски херои успеаа да се искачат на врвот во 10.30 минути.

 

 

 

„На стартот временските услови беа добри, со температура од околу 0 степени. До 5.100 мнв групата немаше никакви проблеми, но над таа висина се соочивме со засилен ветар и пониски температури. Од 5.300 мнв ветерот се засили при што на самиот врв неговата брзина изнесуваше 70 км на час, а температурата беше – 15 целсиусови степени. Самото искачување за нас беше исклучително тешко, бидејќи прв пат се соочуваме со услови карактеристични за таа висина. Намален кислород за 50 %, а и ветерот си го направи своето. Сепак ние успеавме во 10 часот и 30 минути први од нашата група да стапнеме на самиот врв. Прв се искачи Владимир, а Маријана се придружи по околу 10-тина минути“, велат за Инфо Компас двајцата членови на ПК „Мамути“, Маријанa Ѓорѓиевска и Владимир Јованоски.

 

 

 

 

Двајцата херои велат дека од самиот врв немаат многу фотографии бидејќи ветерот им ги одвеал знамињата, а телефоните им останале без батерии. На врвот се задржале околу половиина час и во 11 часот се упатиле кон ноќевалиштето.

 

Групата од Македонија кои се искачија на Елбрус се состоеше од 4 членови : Владимир Јованоски ПК „Мамути“, Маријанa Ѓорѓиевска ПК „Мамути“, Стоилко Стоичев ПК „Македон“ Скопје, Љупчо Ѓорѓиев ПСК „Чеплес“ Велес.

 

 

„Порарди тежината на оваа експедиција, висината, психофизичката подготвеност и временските услови речеси половина од членовите на експедицијата не успеаја да стапнат на највисоката точка на нашиот континент“, велат Маријанa и Владимир.

 

Маријана и Владимир се чувствуваат добро и во Прилеп треба да пристигнат во петок на 06.07.

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи