ВИДЕО – Во Прилеп презентирана кампањата „На секое дете му треба семејство“

Од 1 јуни откако е започната кампањата „На секое дете му треба семејство“ за згрижување на деца биле заинтересирани 270 семејства. Кампањата досега поминала низ 28 градови, а вечерва се презентираше пред прилепчани на просторот околу Градскиот Саат. Организатори се Министерството за труд и социјална политика и УНИЦЕФ, а целта на кампањата е да се покаже дека само семејно опкружување е добро за развојот на децата, а не нивна институционализација.

 

Во Прилеп досега 20 семејства имале згрижено 34 дечиња, а во план било наскоро да се отворат и два мали групни домови.

 

Дел од згрижувачите на овие дечиња го објаснија нивното искуство околу оваа проблематика и порачаа секој кој е во можност да згрижи барем едно вакво дете, затоа што љубовта која ќе ја добие за возврат била незаменлива.

 

Според министерството зас труд и социјална политика целта била до 2020 година од 0 до 3 годишна возраст да нема дечиња згрижени во институции.

 

Погледнете дел од изјавите и атмосферата од овој настан во Прилеп.

 

 

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien