Воени хеликоптери во Швајцарија носат вода за жедните животни

Facebook
Twitter
Email
Print

Воени хеликоптери во Швајцарија почнаа да носат вонредни залихи вода за сточари во планински предели каде околу 40.000 крави страдаат од жед поради недостиг од вода.

 

Од 20 јули Армијата изврши девет такви операции. Во кантонот Сен Гален на планинските пасишта се доставени неколку илјади литри вода, која се доставува од езерото Валенца. Два големи басени се полнат со вода за да можат фармерите кои имаат земјиште пристапно со пат да ги полнат своите резервоари. Испораката не се наплаќа, бидејќи се финансира од редовниот воен буџет.

 

„Во изминатите денови потрошено е повеќе вода отколку што има на располагање“, соопштија властите.

 

Откако операцијата беше објавена минатиот петок, неколку десетици земјоделци преку специјална телефонска линија побарале помош од хеликоптерите.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи