Виси тренерското место на Мурињо во Јунајтед

Жозе Мурињо не може да се пофали со добра игра на почетокот на Премиерлигата, откако тешко победи против Лестер со 2-1, но потоа загуби со 3-2 од Брајтон. А со оглед на тоа дека следува Тотенхем, не изгледа многу оптимистичен крајот на овој месец за поранешниот тренер на Челзи, Реал, Интер и Порто.

 

Незадоволството е големо и кај неговите играчи, но и кај навивачите, поради што англиските медиуми пишуваат дека Мурињо сега е еден од најголемите фаворити прв да ја загуби работата во Премиерлигата, а како негова замена се споменува поранешниот тренер на Реал Мадрид, Зинедин Зидан.

 

Французинот кој со Реал ја освои Лигата на шампиони трипати моментално е без ангажман и е слободен агент, па поради тоа е и најголем фаворит за тренерската позиција кај „црвените ѓаволи“, барем според обложувалниците.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien