Министерството за одбрана на Русија започна со собирање на донациите за изградба на главниот храм на Вооружените сили во подмосковскиот парк за култура и одмор „Патриот“, потврди министерот Сергеј Шојгу.
„Идејата е одобрена од народот, државните органи, воената администрација и црквата“, изјави рускиот министер за одбрана.
Анимацијата поставена на официјалната веб страна на храмот го прикажува изгледот на верскиот објект кој го красат шест златни куполи посветени на светиот покровител на секоја служба. Црквата и целиот комплекс ќе се простираат на над 2 илјади квадрати, а во рамките на комплексот ќе бидат поставени и споменици поврзани со руската армија.
„Храмот ќе ја симболизира духовноста на руската армија во одбраната на нашата земја“, објаснуваат на официјалната интернет страница.
На официальном сайте Минобороны России запущен специальный раздел, посвященный строительству Главного храма Вооруженных Сил РФ в парке «Патриот» https://t.co/ZKu8Rkxm9H #ГлавныйХрамВСРФ #ПаркПатриот pic.twitter.com/Q1r33FaanU
— Минобороны России (@mod_russia) September 4, 2018
Покрај тоа, во храмот ќе има и музеј кој ќе биде опремен со технологија за виртуелна реалност која што посетителите ќе ги вметне во 3Д реконструкција во некои од најславните битки на руската армија низ историјата.
Министерот Сергеј Шојгу ги повика старешините да се активираат во кампањата за собирање на средства за новиот воен храм и нагласи: „Секако, сето тоа би требало да биде од доброволен карактер“.
