МВР: Ристиќ е приведена поради дрско и непристојно однесување

Facebook
Twitter
Email
Print

Откако актерката Ирена Ристиќ на социјалната мрежа фејсбук објави дека ноќта ја поминала во полициска станица и во Бардовци, при што обвини дека била навредувана од полицајците, и МВР излезе со официјално соопштение за случајот.

 

Појаснуваат дека Ристиќ заедно со уште едно лице биле приведени бидејќи во близина на Владата го нарушувале јавниот ред и мир,односно гласно викале и дрско и непристојно се однесувале. Појаснуваат и дека Ристиќ одбила да и биде извршен алко тест, по што била однесена на клиника за да и земат крв. Таа не сакала да даде и крв, по што била однесена во Бардовци.

 

„На 17.09.2018 година во 01.05 часот на булевар „Илинден“ во Скопје, во близина на Влада на Република Македонија, лицата И.Р.(43) од Охрид и В.Р.(32) од Скопје, го нарушиле Јавниот ред и мир на тој начин што  викале на висок тон и дрско и непристојно се однесувале. Двајца полициски службеници им се доближиле и ги предупредиле за нивното однесување. Во тој момент, лицата почнале да ги омаловажуваат и навредуваат полициските службеници. И.Р. и В.Р. биле приведени во Полициската станица Центар за понатамошна постапка, поради сторени прекршоци против јавниот ред и мир. Кај лицето В.Р. (32) било утврдено дека е под дејство на алкохол, после извршено алкотестирање.

И.Р. (43) одбивала да и биде извршено алкотестирање и поради тоа била однесена во Ургентен центар при комплексот клиники „Мајка Тереза“ за да и биде земена крв и урина за анализа за присуство на алкохол. Таа, исто така, одбила да даде крв, по што била однесена во ЈЗУ Психијатриска болница – Скопје, со цел добивање на мислење од стручно лице врз основа на надворешните манифестации и симптоми на лицето. После тоа, И.Р. била вратена во Полициската станица Центар и во 04.30 часот била ослободена.

На лицето В.Р. му било извршено алкотестирање и тој потпишал записник за присуство на алкохол во крвта, по што бил ослободен во 03.35 часот. Против лицето И.Р. ќе бидат поднесени прекршочни пријави по член 4 (Кој на јавно место со карање, викање или непристојно и дрско однесување го нарушува јавниот ред и мир ќе му се изрече глоба во висина од 100 до 400 евра во денарска противвредност) и член 13 (Koj омалoважува државен орган, односно омаловажува или навредува службено лице на државен орган или друга институција која врши јавни овластувања во вршење на службата ќе му се изрече глоба во висина од  600 до 800 евра во денарска противвредност. Ако службено лице од став 1 на овој член е полициски службеник на сторителот ќе му се изрече глоба 600 до 900 евра во денарска протввредност).

Додека, против лицето В.Р. ќе бидат поднесени прекршочи пријави по член 4, член 6 (Кој на јавно место се оддава на пијанство или во пијана состојба го нарушува јавниот ред и мир ќе му се изрече глоба во висина од 100 до 400 евра во денарска противвредност) и член 13 од Законот за прекршоците против јавниот ред и мир“, стои во соопштението на МВР.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи