Русија на Сирија бесплатно и обезбеди ракетни системи С-300

Русија на Сирија и подари три комплета од ракетниот систем С-300ПМ, од кој секој содржи осум лансери, јави ТАСС повикувајќи се на воени дипломатски извори.

 

„На први октомври, три баталјонски комплети од системот С-300ПМ со по осум лансери и се испорачани на Сирија“, изјави неименуван извор.

 

Тие системи, според зборовите на истиот извор, претходно биле распоредени во еден од полковите на руските воздухопловни сили, кои сега ги користат системите „Триумф“ – С-400.

 

„Системите С-300 се ремонтирани во руските воени компании, во добра се состојба и способни се да извршат борбени задачи“, изјавил истиот извор, напомнувајќи дека системите С-300ПМ на Сирија и се испорачани без никакви трошоци за сириската страна.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien