Глобалниот предизвик за почист свет „IceBottleChallenge.org“ почнува од Прилеп

На 11 октомври во 11 часот на градскиот плоштад во Прилеп, кај споменикот „Крали Марко“, пред голем број ученици и млади од Прилеп ќе започне глобалниот предизвик  насловен „IceBottleChallenge.org“ на кој ќе се сврти првото пластично шише, таканаречено  „Ботл флип“ (Bottle flip), и ќе ја испрати пораката – „Сврти шише за почист свет“.

 

Влатко Наумовски, претседател на здружението „Ботал Рисајкл Дот Орг“ (BottleRecycle.org) кое е организатор на овој глобален предизвик, објаснува дека со предизвикот воедно ќе се врши и пријавување на екипи за глобалниот „ботл флип“ (bottle flip) турнир сезона есен-зима 2018/19.

 

„Овој предизвик, на 11 октомври, е пандан на светски познатиот предизвик „Ice BUCKET Challenge “ каде многу познати личности се потураа со кофа ладна вода. Наместо кофа вода, ќе користиме пластично шише кое треба една третина да биде полно со вода за потоа да се сврти во воздух со цел да слета со дното на подлогата- игра што кај младите е позната под името ботл флип („Bottle Flip“). Целта е да го свртиме вниманието кон глобалниот проблем со пластиката, особено со пластичните шишиња, кој не ја заобиколува ниту Македонија и, воедно, преку игра, забава и награди да инспирираме стекнување добри навики особено кај најмладите за фрлање на отпадот во корпа“, објаснува Наумовски.

 

По пријавувањето на екипите, турнирот се планира да започне кон крајот на овој месец  и почетокот на следниот под мотото „Стекнуваме добри навики низ игра, забава и награди“.

 

„Турнирот е за сезоната есен-зима 2018/19. По неговото завршување, ќе биде прогласен шампионот куму ќе му биде доделен трофејот – златно шише од 14-каратно злато. Трофејот ќе биде доделен на манифестацијата „Голден ботал авардс“ (Golden Bottle Awards) која планираме да се одржи кон крајот на февруари 2019 година, со што ќе се означи крајот на сезоната есен-зима и почетокот на новата сезона пролет-лето 2019“, вели Наумовски.

 

Здружението има за цел предизвикот од Македонија да се пренесе глобално. Се очекува во тоа, голема улога да одиграат социјалните мрежи.

 

Предизвикот е отворен за сите кои сакаат игра забава и награди. Пријавувањето е во тек и сите заинтересирани може да регистрираат екипа на официјалната веб страница на предизвикот „IceBottleChallenge.org“, на www.IceBottleChallenge.org

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien