Венеција целосно под вода по вчерашното невреме

Италија се бори со силни ветрови и поројни дождови, што го сменија и вообичаениот лик на Венеција.

 

Зголеменото ниво на вода ги поплави славните плоштади и шеталишта и властите велат дека 75% од градот моментално е под вода. Централниот плоштад „Свети Марко“ беше затворен вчера, откако нивото на водата ја достигна критичната точка од 156 сантиметри, што е четврто највисоко ниво регистрирано во историјата.

 

И покрај тоа, голем број луѓе, како туристи, така и локални жители, не дозволија ова да им го упропасти денот, па облекоа високи гумени чизми за да се пробиваат низ водата. На некои места се поставени и дрвени штици за полесно поминување.

 

 

 

Метеоролозите најавуваат дека лошото време ќе продолжи, па властите ги предупредија граѓаните да бидат подготвени за дополнителни прекини во сообраќајот и услугите.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien