Француската влада попушти под притисокот на жолтите елеци – се откажува од зголемувањето на данокот на гориво!

Facebook
Twitter
Email
Print

Француската влада под притисок на жолтите елеци ќе го суспендира законот за поскапување на горивата, кој доведе до насилни протести во Париз и во други големи градови изминативе три викенди, јавија локалните медиуми.

 

Протестите на таканаречените жолти елеци во меѓувреме прераснаа во општо незадоволство од економските реформи на претседателот Макрон. Протестите на први декември во престолнината Париз станаа насилни кога демонстрантите уништија делови од Триумфалната капија, а авенијата Елисејски полиња претпре големи штети. Според демонстрантите, од политиките на Макрон корист имаат само богатите и големите бизниси.

 

Како што пишува Paris Match, осум од десет Французи не ги одобруваат политиките на претседателот Емануел Макрон. Неговата популарност паднала на само 23% што е за шест процентни поени помалку отколку на почетокот на ноември, а два отсто помала од средината на минатиот месец и воедно претставува негова рекордно најмала поддршка.

 

Три лица загинаа, голем број се повредени, а десетици лица се изведени пред суд од почнувањето на протестите, кои резултираа со насилство и вандализам, при што беа оштетени и културно-историски споменици во Париз. Макрон дури размислуваше да прогласи и вонредна состојба за да се справи со најголемата криза во земјата во последните 50 години.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи