Скопската зоолошка ќе добие Дино парк со 50 диносауруси

Моментално Зоо-Скопје работи на проект за Дино парк. Станува збор за авантуристичка атракција со 50 диносауруси во природна големина кои испуштаат крици и се движат и кој би бил во рамките на Зоолошка градина.

 

Паркот ќе се наоѓа кај стариот влез на Зоолошката градина и ќе зафаќа површина од околу 3.000 квадратни метри. Со градежни работи за уредување на просторот ќе се започне од февруари, а кон почетокот на мај паркот треба да биде отворен. Диносаурусите ќе бидат набавени од Кина.

 

„Ќе имаме различни видови диносауруси, кои ќе се движат и ќе испуштаат звуци. Ќе бидат поставени и информативни табли, така што покрај за забава, Дино паркот ќе има и едукативен карактер“, изјави Тина Мицковска, портпаролката на Зоолошка градина Скопје.

 

Моментално течат преговорите околу изведбата на паркот, како и со потенцијални спонзори кои ќе го потпомогнат проектот.

 

Вакви слични тематски Јура паркови има во големите светски и европски метрополи. Во наша близина ги има во Белград и на Златибор – соседна Србија, како и во Словенија.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи