ВИДЕО – „Љубовта е сила, моќ“ – најновата песна на прилепчанецот Гоце Петрески и Анета Мицевска, „Молика“

„Љубовта е сила, моќ“ е најновата песна на прилепчанецот Гоце Петрески, кој живее во Сиднеј, Австралија. Песната е дует со Анета Мицевска и групата „Молика“. Музиката и текстот се креирани од таткото на Гоце, Иван Петрески, аранжманот е на Дејан Момироски, а песната е снимена во XL Studio. Видео спотот е снимен во Австралија. Видеото го сними Христијан Конески, кој исто така веќе извесен период работи и живее во Сиднеј, Австралија.

 

Инаку ова е четврт дует на Петрески со Мицевска. Претходните дует песни се : „Кажи Јано“, „Ах љубов верна“ и „Среќно ќе живееме“.

 

„Со Анета и групата „Молика“ имаме долгогодишно познанство, музички и карактерно се сложуваме и одлично соработуваме. Со песната „Љубовта е сила, моќ“ се комплетира мојот најнов албум „Среќа ми е песната“, што е во финална подготовка. Албумот ќе содржи 12 песни и до крајот на овој месец ќе биде во продажба. Ова е мојот 7-ми албум“, истакна Петрески за Инфо Компас.

 

Претходно Петрески ги издаде албумите : „Две солзи“, „Те сакам“, „Комарџија“, „Крушки ќе јадам“, „Австралија ќе се оди“ и „Со птиците и кучињата“. Првите два албуми „Две солзи“ и „Те сакам“ му се со прилепската група „Опус“, а додека другите се соло албуми.

 

„Промоцијата на мојот најнов албум планирам да ја направам прво во Австралија, а потоа ако се оди според планот во јули или август оваа година, албумот сакам да го промовирам и во Македонија“, додава Петрески.

 

ВИДЕО СПОТОТ :

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи