Антикорупциска ќе го проверува имотот на претседателот Иванов

Антикорупциската комисија ќе врши проверка на имотот на претседателот Иванов по допрен глас.

 

Медиумите објавија дека на име на синот на претседателот  се купени два станови на Водно во зграда која се уште е во градба. Државната комисија ќе ја почне постапката за да се види каква промена има во имотот на Иванов по два изминати мандати како претседател на државата.

 

Минатата недела ДКСК објави дека предмет на постапка на Антикорупциската комисија ќе бидат предизборните унапредувања и именувања во Армијата што, како што наведоа оттаму, Иванов ги потпишал во предизборен период. Од кабинетот на претседателот тврдеа дека се испочитувани Изборниот законик и одредбите од Законот за спречување на корупцијата .

 

Инаку Државната комисија денеска ги објави и имињата на  Шест градоначалници кои немаат доставено Анкетен лист за имотната состојба и изјава за интерес.

 

Седум градоначалници на општини во законски предвидениот рок по изборот на функцијата немаат поднесено само изјава за интереси, а имаат анкетен лист, а петмина градоначалници,  имаат доставено само изјава за интереси, при што не е назначено за што е поднесен истиот, дали за градоначалник, или за некоја друга функција .

 

Против нив ќе се поднесат прекршочни постапки, а глобата изнесува од 200 до 400 евра.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien