На плоштадот „Методија Андонов Ченто“ денеска се одржа голема хуманитарна распродажба на производи од компанијата Комфи Ангел, а собраните средства ќе бидат донирани на ракометниот клуб „Прилеп 2010“. Од Комфи Ангел истакнаа дека денеска планираат да соберат околу 10.000 евра, а донацијата нема да биде парична туку во опрема која што му е потребна на клубот. Ова е седма година откако Комфи Ангел ја спроведува хуманиитарната акција.
„Работиме на неколку клучни елементи. Прво им овозможуваме на сите граѓани низ целата земја поблиску и подиректно да видат дел од производството на Комфи Ангел и од прекрасните производи од кои јас сум лично воодушевена од нивниот квалитет и технологијата со која тие се произведени. Вториот елемент е креатиивната и тимска работа на нашите вработени. И третиот сегмент е хуманитарниот. Досега сите години средствата ги дониравме за децата со посебни потреби, оваа година направивме мала промена и средствата ги упатуваме кај младите во спортот. Средствата во Прилеп ќе ги доделиме на РК „Прилеп 2010“ коии се прваци во кадети. Јас им ја честитам таа титула и ги повикувам и другите стопанствениции да се фокусираме малку на спортот кај младите“, истакна Ирена Јакимоска, менаџер на Комфи Ангел.
Овој хуманитарен караван покрај Прилеп во наредните месеци ќе ги посети и градовите Битола, Охрид, Гевгелија, Велес, Скопје и Куманово.
„Во соработка со општините ќе одлучиме за кои клубовби ќе ги донираме средствата кои ќе се соберат во другите градови. Спрема нашите претходни искуства одзивот на граѓаните е одличен, така е и денес. Во претходните наши акции на децата со посебни им се овозможија играчки и помагала коии им беа потребни“, рече Филип Велески, менаџер за продажба.
Од ракометниот клуб „Прилеп 2010“ упатија огромна благодарност до Комфи Ангел за оваа голема поддршка. Клубот го посетуваат 40-тина деца на возраст од 2004 година и помали. Од РК „Прилеп 2010“ побараа и други компании да се вклучат со поголема поддршка за спортистите.
„Работиме напорно како клуб и доста посветено. Со таа посветеност станавме и кадетски прваци 2017/2018 година. Исто така и во есенскиот дел тие се прваци во втора група кадети, со реални шанси пак да се игра на фајнл фор и да се одбрани првото место. Со квалитетна работа и посветеност градиме здрав темел за тие деца кои се наша иднина. Треба и другиите стопанственици да не поддржат за да истраеме на нашиот пат, Прилеп да има ракометари кои ќе продолжат понатаму преку спортот да ја промовираат државата и својот град. Но потребнии нии се добрии услови, добри сали, треба тие деца да ги изнесеме и надвор од Прилеп, надвор од Македонија за да видат до кој степен е ракометот таму, да ги одмерат силите со нив, бидејќи само така можеме да да одиме напред. Инаку моменталната состојба со спортот е тешка, недостасува се. Од финансии, до добра инфраструктура. Мора да се подобрат сите услови. Имаме поддршпа од Општината, но тоа не е дооволно. Не може општината да биде главен спонзор на ракометот или кој и да е спорт. Мора да има повеќе стопанственици како Комфи Ангел коии ќе инвестираат во спорот, кој колку може“, изјави Андријано Котевски, тренер на РК „Прилеп 2010“.
