Антикорупциска: Исплатата на долгот за лозарите е незаконска

Антикорупциската комисија денеска го прифати приговорот на опозициската ВМРО-ДПМНЕ против Агенцијата за финансиска поддршка која во изборен период исплатила 1.250.000 евра на повеќе од две илјади лозари, но не за субвенции и редовни исплати, туку за исплата на долг на приватни фирми, кои во меѓувреме заминаа во стечај.

 

Откупот се случил пред пет години, а според програмата на Платежната агенција за поддршка на земјоделството и руралниот развој, краен рок на исплата на парите било 7 февруари пред распишпувањето на изборите.

 

„Во овој период не е извршена исплатата, туку во април кога е предизборниот период. Нема докази кои ја оправдуваат неопходноста на исплатата во април. Приговорот се усвојува“, беше утврдено на денешната седница.

 

Антикорупционерите одлучија дека со исплатата е прекршен изброниот законик и законот за спречување на корупција и дека ќе иницираат постапка за утврдување одговорност пред надлежните органи.

 

Комисијата, на денешната седница посочи дека се разгледуваат четири приговори на опозициската партија.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien