Согласно со обврските од Преспанскиот договор од денес ќе почнат да се издаваат новите регистарски таблички за возилата, на кои кратенката МК се заменува со NМК. Замената на старите регистарски таблички со новите ќе се врши постепено при регистрација на возилата.
Први ќе ги добијат возилата кои за прв пат се регистрираат во државава или пак оние возачи кои имаат оштетени или изгубени таблички. Останатите пак, оваа обврска ќе мора да ја направат најдоцна до февруари 2024 година и за нив ќе мора да доплатат 1.450 денари, при што ќе бодијат и нова сообраќајна книшка.
Од стапувањето во сила на Преспанскиот договор, досега се даваа бесплатни налепници со ознаката NMK на граничните премини при влез или излез на возилата од Македонија.
