ЈКП „Комуналец“ : Пожарот на депонијата е подметнат, превземени се сите мерки за гаснење и спречена е поголема катастрофа, апелираме за поголема свест кај граѓаните

За настанувањето на  пожарот на депонијата во Алинци, ЈКП „Комуналец“ -Прилеп,  ја извести јавноста уште истиот ден. За причините, гаснењето, санирањето од последиците и сите превземени активности околу пожарот, на последната седница на Совет на Општина Прилеп, беа запознати и советниците. Се вели во писмената реакција на ЈКП „Комуналец“ која доаѓа како одговор на прес конференцијата на ОК на ВМРО-ДПМНЕ Прилеп.

 

Реакцијата ја пренесуваме во целост.

 

„Како што и предходно информиравме, непознати сторители подметнаа пожар на депонијата Алинци. Пламенот кој се закануваше да ја зафати целата депонија  уште истата вечер е ставен  под целосна контрола .

 

Во гаснењето на пожарот учествуваа вработени во Комуналец, со сета своја расположлива механизација и Територијалната противпожарна единица. Со крајна пожртвуваност на вработените и пожарникарите е спречена катастрофа од поголеми размери. Вакви пожари во одредени ситуации  настанати и со самозапалување ни се случувале и порано .

 

Заради можноста од повторно запалување од ветровите кои постојано дуваат околу депонијата, дежурна екипа од Комуналец, со две цистерни и градежни машини и во моментов се  на терен, и ги санира оштетувањата на депонијата.

 

Со цел заштита на животната средина, „Комуналец“ посветува особено внимание во правилно третирање на отпадот : собирање, селектирање и депонирање. Депонираниот отпад на депонијата Алинци се покрива со земја.

 

Во насока на спречување на појава на пожари, подобра заштитата на животната средина, а пред се заштита на здравјето на жителите на Општина Прилеп, апелираме за поголема граѓанска свест и одговорност до сите чинители во општинава“, велат од ЈКП „Комуналец“.

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи