ЛАГ Агро Лидер со информативна презентација за бенефитите од формирање на земјоделски задруги

Здружението за рурален развој Локална Акциона Група Агро Лидер во соработка со одделението за земјоделски задруги при Министерството за земјоделство, шумарство и водостопанство одржаа заедничка презентација пред фармери од Пелагонија на тема можности и бенефити од формирање на земјоделски задруги.

 

„Настанот е поддржан од Проектот на УСАИД за развој на деловниот екосистем кој ги поддржува активностите на ЛАГ Агро Лидер предвидени со проектот „Подобрување на продуктивноста и пазарниот успех на македонските фармери“. Цел на овие информативни средби е подобро запознавање на фармерите со можностите кои се предвидени со националните програми за поддршка на основање и обезбедување на одржливост на земјоделските задруги, кои може да бидат двигател на зголемена продуктивност и економска одржливост на земјоделците кои се основачи на задругата“, изјави Марина Тошеска од Локалната Акциона Група Агро Лидер.

 

 

 

Земјоделството и руралниот развој се неопходност за нашата земја па затоа политиките на МЗШВ се фокусирани во секој сегмент на овој сектор, а формирање на земјоделски задруги е приоритет за надминување на проблемите со кои се соочуваат македонските земјоделци, во поглед на поголем профит, поголема конкурентност, застапување и лобирање, како и намалување на ризиците.

 

 

Во програмите на МЗШВ за земјоделски задруги постојат многу можности за добивање на советодавни услуги како и финансиско олеснување за земјоделците и фармерите кои планираат со здружени сили да функционираат како земјоделска задруга. МЗШВ им стои на располагање на сите заинтересерина земјоделци во административната постапка за регистрирање на земјоделска задруга и пристапот до финансиска поддршка.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи