„Поезија на пат“ – Струшките вечери на поезијата денеска во Прилеп

Дел од учесниците – поети  на годинешните Струшки вечери на поезијата, ја посетија Општина Прилеп и остварија средба сосекретарот на Општина Прилеп, Александра Кокароска. Кокароска им посака добредојде и добар престој посочувајќи дека, поезијата е мост меѓу човекот и универзумот, а токму во духот на убавата поетска традиција живее и твори и градот под Марковите Кули.

 

Германската поетеса и прозна авторка, Ања Кампман и Ирене Гајрауд, поетеса од  Франција се поетите чии стихови ќе бидат презентирани во Небрегово во спомен домот на Блаже Конески. Гостите  ќе го посетат и манастирскиот комплекс „Трескавец“, а во Прилеп во 17.00 часот пред платото под Градскиот Саат, прилепската публика ќе има можност да ужива во нивните прекрасни литературни стихови.

 

Струшките вечери на поезијата е најстариот меѓународен поетски фестивал во нашата држава. Годинешните Струшки вечери на поезијата започнаа на 21 август, со Програма составена од 52 настана и учество на 32 странски и 30 домашни поети.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи