Прилеп дел од проектот ЕРАЗМУС +, „ENABLE“

Општина Прилеп стана партнер во проектот ЕРАЗМУС +, „ENABLE“. Проектот подразбира интегративност во стратешката мултисекторска перспектива на градот, со цел да произлезе и да се изгради одржливоста врз социо-економските и секторски приоритети, политики и стратегии.

 

Со оглед на тоа дека Прилеп бил предмет на бројни набљудувања во претходните години, тој е избран за студија на случај. Процесот подразбира двегодишна меѓународна соработка на институции од Македонија, со три високообразовни институции од ЕУ како партнери.

 

Проектот е фокусиран на европските трендови кои ги промовира Факултетот за архитектура и дизајн на Универзитетот „Американ Колеџ“, а пристапот третира настава, односно планирање на одржлив град низ неговиот урбан и економски раст и развој, социјална инклузивност, технолошки иновации, културно и природно наследство, туризам.

 

Очекуваниот финален документ ќе содржи стратешки насоки, кои ќе бидат основа за понатамошен развој на планската документација за Прилеп, односно неговиот стратешки документ – новиот Генерален урбанистички план.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи