Жива жена од Кочани ја прогласиле за мртва, синот организирал и погреб

 

 

37 годишниот кочанчанец Благојче Дончев пред два дена преживеал вистински стрес и шок, откако од болницата му кажале дека неговата мајка починала, по што тој почнал со организација за погреб.

 

Се јавил на блиските роднини и погребен оператор, од каде закажале во црква и испечатиле некролози, но кога тој заедно со операторот дошол да го земе телото, открил дека мајка му е жива и лежи на Интерното одделение.

 

Неговата 58-годишна мајка има прележано два мозочни удари и откако повторно и се слошило пред два дена со Брза помош била однесена во кочанската болница.

 

Од кочанската болница велат дека знаат за случајот и по нивната интерна истрага повикана е полицијата, која започнала своја истрага за да утврди кој му се јавил на Дончев и му го превртел животот наопаку.

 

Дончев, кој поради корона вирусот не е во можност да ја посети својата мајка, очекува одговорност и казни за оние кои му ја пренеле лажната вест и предизвикале непотребен шок.

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи