Полициските службеници од Секторот за внатрешни работи Битола, во текот на викендот (21/22/23.03.2025) продолжија со засилените сообраќајни контроли на патиштата. Притоа, вкупно беа издадени 305 платни налози за сторени сообраќајни прекршоци по различни основи согласно Законот за безбедност на сообраќајот на патиштата и Законот за возила, а наплатени се 95 платни налози.
Според статистичките показатели од вкупно 1.245 исконтролирани возила и возачи, прекршоците по основ на пречекорување на брзината на движење повторно предничат, така што евидентирани се вкупно 121 прекршоци, а откриени возачи што управувале возило без возачка дозвола се 32, како и 4 возачи кои што управувале нерегистрирани возила. Покрај ова, изречени се и 17 мерки по основ на зборување на мобилен телефон при возење, како и 60 мерки за непрописно паркирани возила. Од вкупно 299 алкотестирани возачи, кај 11 возачи констатирано е присуство на алкохол и се исклучени од сообраќај.
Сообраќајните контроли на СВР Битола продолжуваат и во наредниот период. Апелираме до возачите и пешаците да ги почитуваат сообраќајните правила и прописи и сите заедно да придонесеме за побезбедни патишта.
