„Почитувани кандидати за градоначалник на Прилеп, вмешувањето на нашиот колектив во политичката кампања е крајно несериозно и ФК Победа АД ги осудува сите ваши намери за добивање на ситни политички поени на наш грб! Изминативе неколку години беа доста бурни за нас, од ниските лиги брзо напредувавме и стигнавме до ПМФЛ со многу труд. Низ овој период, трансформацијата од ДООЕЛ, во АД беше потребна затоа што така налагаат правилата, а не поради нашите желби. Победа нема концесионери, туку сопственици кои макотрпно се вложуваат во работата на клубот и прават клубот да расте од сезона во сезона. Локалната самоуправа преку Советот за сезоната 2016/17 одвои скоро 6мил. денари за спонзорство на нашиот клуб и истата таа сума советот ја изгласа и за оваа сезона. Со вашето спомнување во лоша конотација, добиваат останатите клубови во ПМФЛ и ако тоа Ви е целта, тогаш не сте љубители на најважната споредна работа и не се чепкајте со нас!!! Ве повикуваме во наредниов период, наместо да ни наштетувате со лоши и грешни изјави, да излезете со коментар околу вашата идеја за развој на спортот во Прилеп и дали ќе го прекратите спонзорството во ФК Победа АД, зошто во Македонија е многу тешко да се најдат спонзори и со вашите политички изјави ќе ги одвратите и оние кои до сега биле општествено одговорни, се нафатиле да бидат основачи на ова друштво и безрезервно вложуваат и се залагаат да тоа има успеси во иднина! Ги покануваме сите љубители на ФК Победа, секој кој сака до помогне да ни се придружи кон остварување на нашите цели, вратата е отворена“, стои во соопштението на фудбалскиот клуб победа Победа
