Докторе Јованоски, сегашен и иден! Од ден на ден не можеме да се начудиме на вашите лаги и непознавањето на проблематиката и надлежностите на локалната самоуправа! Вие делувате како 12 години да немате поминато на патот Битола -Прилеп! Истакнаа во соопштението од О.К. на ВМРО-ДПМНЕ Прилеп како реакција на прес конференција одржана од кандидатот за градоначалник на СДСМ, Илија Јованоски.
Соопштението го пренесуваме во целост.
„Чадот беше и замина во депонијата до 2005-та кога АКТИВНО СЕ БОРЕВТЕ таа да биде регионална депонија и сметот од 27 општини да се носи тука!
Ако сакате да видите депонија што чади, посетете ја струшката и тетовската, каде што срамно се криете да кажете дека немате кандидат за градоначалник!
Јованоски, вработените во јавните претпријатија паметат каков пустош направивте од нив. Затоа ќе ви одговорат со бр. 13 на 15-ти октомври“
