Најмалку 7 жртви во страшното невреме во Германија

Facebook
Twitter
Email
Print

Најмалку седуммина загинаа, а десетина други се повредени во бурата „Ксавиер“, што денеска ги погоди северните и источните делови на Германија, уривајќи дрва и предизвикувајќи прекини на сообраќајот.

 

Според германските власти, три лица загинале во сојузната покраина Бранденбург, а по едно во Мекленбург-Долна Померанија и во градовите Берлин и Хамбург.

 

Германската железничка компанија „Дојче бан“ соопшти дека сите возови чиј правец води кон севернот дел на земјата се во прекин, особено линијата меѓу Берлин и Хамбург бидејќи на пругите се паднати голем број на дрвја.

 

Поради силниот ветер во реонот на Берлин, кој дувал со јачина и до 120 километри на час, беа откажани повеќе летови од берлинските аеродроми Тегел и Шенефелд. Исто така, откажани беа и неколку меѓународни летови од аеродромите во Бремен и Хановер.

 

Само во реонот на Берлин по невремето противпожарната служба имала над 700 интервенции, а во Хамбург дури 1.200.

 

Две зоолошки градини се затворени и животните биле преместени во нивните скривалишта.

 

Според Германската метеоролошка служба бурата може да достигне јачина на урагански ветер.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи