САД ќе организира турнир за селекциите кои не обезбедија место на Мундијалот во Русија?

Share on facebook
Facebook
Share on twitter
Twitter
Share on email
Email
Share on print
Print

Неколку добро познати реномирани фудбалски репрезентации по подолг временски период нема да ги гледаме на едно Светско првенство, па веќе се заговара занимлива идеја во која тие би учествувале на свој мини мундијал кој би се одржал пред вистинскиот спектакл во Русија.

 

Американскиот фудбалски сојуз потврди дека преку сопствената промоторска куќа „Сокер јунајтед маркетинг“ почна со реализација на проектот за организирање фудбалско првенство на репрезентациите кои се „најголемо разочарување“, објави ЕСПН.

 

Со овој проект се очекува и дека ќе се амортизираат огромните финансиски загуби поради неиграњето на едни од најсилните репрезентации на СП во Русија следното лето.

 

Турнирот би требало да се одржи на американската територија, неколку дена пред да започне Светското првенство во Русија, односно по завршување на клупската европска сезона. Извори од Америка кажуваат дека американскиот фудбалски сојуз ќе ги повика Италија, Холандија, Гана и Чиле за нивното „анти-Светско првенство“.

 

Тоа се големи репрезентации кои се навикнати да учествуваат во најголемото натпреварување во меѓународниот фудбал, но овој пат не успеаа да се квалификуваат за Русија 2018. Италија е убедливо најголемиот магнет за Американците, бидејќи станува збор за репрезентација од највисоко можно ниво. Азурите учествуваа на секое Светско првенство, освен на отворањето 1930., кога учествуваа многу малку земји и 1958. кога исто така како и оваа не успеаа да се квалификуваат.

 

САД не се квалификуваше за прв пат од 1986, додека Холандија и Гана ќе го пропуштат Светското првенство по три последователни учества. Чиле е актуелен двоен освојувач на Копа Америка, но во лудната завршница во јужноамериканските квалфиикации не успеа да го резервира своето место за Русија 2018. година.

 

Останатите потенцијални учесници на америкаснкиот синоним за Светско првенство се и репрезентациите на Брегот на Слоновата Коска, Република Ирска, Босна и Херцеговина, Украина, Алжир и Хондурас.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи