Без превод на македонски јазик вицепремиерот задолжен за спроведување на рамковниот договор Хазби Лика во владата организираше свечен прием по повод денот на албанската азбука 22 ноември со кој се одбележуваат 109 години од битолскиот конгрес на кој таа била стандардизирана.
Од владата рекоа дека поради технички причини немало превод на официјалниот настан.
Претседателот на македонското собрание Талат Џафери упати честитка по повод 22 ноември – денот на албанската азбука и рече дека негувањето на јазичните и културните богатства се влог во подобра иднина.
Вчера беше одложена комисиската расправа за законот за јазици ќе продолжи по донесување на буџетот, а претседателот на комисијата за европски прашања, Артан Груби, рече дека ја одложил расправата затоа што неделава Собранието треба да се занимава за клучни реформски прашања.
